ပန်းပန်လျက်ပဲ

ညိုပြာပြာ လတာပြင်ခြေရင်း
လှိုင်းတက်ရာ ဗေဒါတက် ၊ လှိုင်းသက်ရာဆင်း ။
ဆင်းရလည်း မသက်သာ
အုန်းလက်ကြွေ ရေပေါလော မျောစုန်လို့ လာ
အဆင်းနဲ့အလာ ဗေဒါမအထွေး
အုန်းလက်ကြွေသူ့နံဘေး ဆောင့်ခဲ့ ရသေး ။
ဆောင့်ခဲ့လည်း မသက်သာ
နောက်တစ်ချီဒီတစ်လုံးက ဖုံးလိုက်ပြန်ပါ
မြုပ်လေပေါ့ ပေါ်မလာ မဗေဒါအလှ
တစ်လံကွာလှိုင်းအကြွ ပေါ်လိုက်ပြန်ရ ။
ပေါ်ပြန်လည်း မသက်သာ
ချောင်းအဆွယ် မြောင်းငယ်ထဲက
ဘဲ ထွက်လို့ လာ ။
ဘဲအုပ်မှာ တစ်ရာ နှစ်ရာ
ဗေဒါက တစ်ပင်ထဲ(တည်း)
အယက် အကန်ခံလို့
ဗေဒါပျံ အံကိုခဲ ၊ ပန်းပန်လျက်ပဲ ။
                                           ဇော်ဂျီ (၁၉၆၀)